2015-ip naanerani Kalaallit Nunaanni inuusuttut ilinniarfiinik atuartut ingerlatsisut 2.392-iusimapput.
Ilinniarnertuunngorniarfinni atuartut ingerlatsisut amerlassusaat malunnartumik amerleriarsimavoq, 2006-imiilli 2015-imut sanilliullugit marloriaatinngungajassimallutik.
2011-miit inuussutissarsiornermi ilinniarfinni atuartut ingerlatsisut amerlassusaat ikileriarsimavoq, 2015-illu naanerani atuartut 1.164-iusimapput.
Titartagaq 2. 2006-imit 2015-imut Kalaallit Nunaanni atuartut ingerlatsisut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDISC11F).
2015-ip naalernerani ilinniarnertuunngorniarfinni atuartut ingerlatsisut 1.228-usimapput, ataanilu takutinneqarput ilinniarfiit pineqartut sisamaasut.
Titartagaq 3. 2013-imit 2015-imut Kalaallit Nunaanni ilinniarnertuunngorniarfinni atuartut ingerlatsisut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDISC11F).
2013-imit 2015-imut Campus Kujallermi aammalu Avannaani Ilinniarnertuunngorniarfimmi atuartut ingerlatsisut amerlassusaat atuartut missiliorlugit 240-ullutik aammalu 320-ullutik allanngorarpallaarsimanngillat.
Qeqqata Ilinniarnertuunngorniarfiani siuariaateqartoqarsimavoq , 2015-illu naanerani atuartut ingerlatsisut 442-usimapput.
Teknikimik Ilinniarfimmi – Sanaartornermi Ilinniarfimmi – ikileriartoqarsimavoq, 2015-illu naanerani atuartut atuarfimmut attuumassutillit 225-usimapput.
Ataani titartakkami inuussutissarsiornermi ilinniarfiit immikkoortortai assitalerneqarput.
Titartagaq 4. 2013-imit 2015-imut Kalaallit Nunaanni inuussutissarsiornermi ilinniarfinni atuartut ingerlatsisut, immikkoortortanut agguaallugit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDISC11F).
Ukiut ingerlanerini ingeniøritut ilisimatusarneq, nioqqutissiorneq aammalu sanaartorneq amerlanerpaanik ingerlatsisunik atuartoqarsimavoq, 2015-imilu agguaqatigiissinnerat 38 procentiusimalluni. Assersuutigalugu innaallagisserisut sanasullu tassani immikkoortortamiipput. Peqqinnissami aammalu atugarissaarnermi ilinniakkani ingerlatsisut 17 procentiusimapput, tassaniipputtaaq ilaatigut inunnik isumaginninnermi aammalu peqqissaanermi ikiortit.
Ataaniipput inuussutissarsiornermi ilinniarfinni atuartut ingerlatsisut amerlassusaat, nunap kommuniinut sisamanut agguaallugit.
Titartagaq 5. 2013-imit 2015-imut Kalaallit Nunaanni inuussutissarsiornermi ilinniakkani atuartut ingerlatsisut, kommuninut sisamanut agguaallugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDISC11F).
Nalunaarut: Titartakkami atuartut Danmarkimi atuagarsortut ilaanngillat
2015-ip naanerani Kommuni Kujallermi inuussutissarsiornermi ilinniarfinni atuartut ingerlatsisut 265-iusimapput, taakkunannga agguaqatigiissillugu annerpaartaat Campus Kujallermiissimallutik.
Kommuneqarfik Sermersuumi kommunimi atuartut ingerlatsisut 533-usut Nuummi 2015-ip naanerani 253-ii Teknikimik Ilinniarfimmi Saviminilerinermik Ilinniarfimmiissimapput. Qeqqata Kommunianilu inuussutissarsiornermi ilinniarfinnik ingerlatsisut 209-usuni 2015-it Sisimiuni Teknikimik Ilinniarfimmi Sanaartornermik Ilinniarfimmiissimapput.
2015-ip naanerani Qaasuitsup Kommunia 122-nik ingerlatsisunik atuartoqarsimavoq, taakkunannga 119-it Ilulissani Perorsaanermik Ilinniarfimmiissimallutik.